Ahmed Gamal

كتاب .net 2008 بصورة ورقية – تجربة النشر الحر

2009-12-04T12:41:00.004+02:00

منذ بضعة أسابيع ، قرأت كتاباً نشره الأستاذ رؤوف شبايك بعنوان ( انشر كتابك بنفسك ) والموجود على هذا الرابط ( انشر كتابك بنفسك )

يشرح مؤلف الكتاب طريقة استخدام موقع Lulu.com للنشر الحر لمؤلفاتك وكتبك ، حيث يتيح لك الموقع امكانية نشر كتابك ووضع الدعاية من أجله ، وعرضه للشراء حيث سيتولى عنك عملية الطباعة والتوصيل إلى المشتري ، كل هذا بخطوات سلسلة وميسرة جعلت فكرة النشر الإلكتروني فكرة ميسرة جداً وأفضل - خصوصاً لأي مبتدئ - من مجرد التفكير في الركض وراء دور النشر .

واجهتني في بداية العمل مشكلة ، وهي أننا فقدت النسخة التي تم تحويلها إلى ملف pdf ، ولم يكن لدي سوى نسخة قديمة دون أي إخراج ، لذا بدأت من البداية في تقليد الاخراج الذي قام به الأخ وليد ، وبالرغم من ذلك لم أستطع الوصول لنفس المستوى ، الأكواد غير ملونة كما في الإصدار الأول ، ولكني أضفت بعض التعديلات والتنقيحات إلى الكتاب .

وبالفعل بدأت في الإجراءات التي نصح الكاتب بالسير عليها ، والمحصلة النهائية ، ها هو كتابي جاهز للطبع :
http://www.lulu.com/content/hardcove...y-step/8016570

الخلاصة ، تجربة مميزة جداً لتحصل على كتابك مطبوعاً بين يديك أكثر منها تجربة لتحقيق الربح من الكتابة ، فالاستاذ رؤوف شبايك نفسه يدرك أن تجربة النشر الالكتروني للكتب العربية ما زالت في مراحلها الأولى ، ولهذا السبب لم يتم طلب سوى عدد يسير جداً من كتبه ، لكن تجربة أن تمسك بكتابك بين يديك تعطيك دفعة معنوية جيدة ، بالاضافة لشعورك بأنك تساهم ولو بنزر يسير في تعميق هذه التجربة في العالم العربي والتي بدورها ستساهم في زيادة عدد الكتاب العرب الذين أرهقتهم مطالب دور النشر المختلفة .

الكتاب مجاني أيضاً حتى في نسخته المطبوعة ، حيث أن التكاليف المعلن عنها ضمن موقع لولو هي تكاليف الطباعة التي سيتحصل عليها الموقع جراء الطباعة ، بالاضافة لتكاليف الشحن والتي سيخبرك بها عند بدءك في عملية الشراء .

لذا لو كنت تود الحصول على نسخة الكترونية فهذا رابط النسخة القديمة من الكتاب ذات الإخراج المتميز :
http://vb4arab.com/dotNet_2008.zip
أما لو كنت مصر على الحصول على النسخة بعد التعديلات فإليك هذه النسخة للتحميل :
http://www.4shared.com/file/16405819..._2008_2nd.html
وأخيراً ، هذا هو رابط الكتاب على موقع Lulu :
http://www.lulu.com/content/hardcove...y-step/8016570

كيف أشتري من موقع لولو ؟

باستخدام الرابط السابق ، أو من القائمة العلوية Buy والتي تتيح لك البحث بين الكتب واختيار الكتاب الأنسب لك .
http://www.lulu.com/content/hardcove...y-step/8016570

إذا قمت بالضغط على الرابط السابق ، ستجد في الأعلى Add To Cart ، سعر الكتاب 30.10 دولار وهو تكلفة طباعة 604 ورقة مع غلاف من النوع الفاخر يتحصل عليها موقع لولو مقابل عملية الطباعة ، ستتم اضافتها لسلة التسوق ، بعد انتهائك من التسوق ستجد زر باسم Check out >>> ، سيطلب منك تسجيل ايميلك وكلمة مرور خاصة بك ليتم طلبك كعضو جديد أو سجل دخولك بعضويتك الحالية .

بعد ذلك سيخيرك بين نوعين من الشحن ، من حسابي في جدة - المملكة العربية السعودية يكلفني الشحن حوالي 11 دولار ، ومن المفترض أن يتم الشحن خلال 5-7 ايام ، إلا أن الأستاذ رؤوف ذكر في كتابة أن الأمر قد يطول بالشحن لاسبوعين أو ثلاث بالاضافة لأسبوع للطباعة ، عموماً انا ما زلت اجرب الطلب للمرة الأولى ولا أعرف كم سيستغرق الكتاب للوصول فعلياً .

بعد الضغط على save & continue سينقلك إلى شاشة الدفع الالكتروني ، ادخل بياناتك وسيتم التأكيد وانهاء العملية ، والآن عليك انتظار النسخة

في النهاية ، أنا ما زلت حتى الآن في انتظار نسختي من هذا الكتاب ، سأوافيكم بتقرير عن وقت الوصول وجودة الطباعة فور وصول أول نسخة إن شاء الله .

عن الكتاب :

يقدم الكتاب للنسخة الجديدة من فيجوال ستوديو من خلال C# و Vb.net عبر 22 باباً تتحدث عن الفيجوال ستوديو ابتداء باصدارته وطرق تحميله ، مروراً بعرض مفاهيم بيئة .net الرئيسية ، أساسيات كتابة الكود ولغة البرمجة ، Classes And Interfaces ، الأخطاء Debuginig ، المجموعات COLLECTIONS ، وسائل الادخال والاخرج IO ، واجهات Windows Forms ، عالم GDI+ و WPF ، قواعد البيانات من خلال ADO.net ، ثم LINQ و WWF و WCF وبرمجة الـ Pocket PC ثم الانتهاء بالاطلاع على برمجة المواقع من خلال ASP.net .

تعقيب بعد استلام الكتاب :

للأسف بعد الانتهاء من كافة الخطوات واجهت مشكلة في دعم اللغة العربية عندهم ، حيث قاموا بطباعة الكتاب بالمقلوب برغم أني التزمت بارساله لهم معكوساً لكي تتم الطباعة بصورة صحيحة ، لكن برغم ذلك يبدو انهم اجتهدوا واعادوا ترتيب الكتاب حسب ارقام الصفحات ، وبعد عدة مراسلات توقف الدعم نسبياً منهم برغم اقرارهم بإن الخطأ من جهتهم . لذا وجب التنويه .

الحمد لله ... كفارة

2008-11-25T17:47:00.002+02:00

وبعد 13 شهر بالتمام والكمال وعليهم يوم زيادة خير أخيراً الحمد لله خلصت جيش ... 13 شهر مرت بطيئة جداً ومحستش انها عدت بسرعة إلا في الآخر ، اكتشفت فجأة انها عدت بسرعة جداً .

يوم 25-11-2008 وبعد سنة كاملة من انتظار يوم النهارده ده ، بتحس ان ده اهم يوم في تاريخك كبني آدم ، التاريخ اللي مش هتقدر تنساه بعد كده ، لا عيد ميلادك ولا يوم تخرجك ولا غالباً يوم جوازك - أو حسب الظروف محدش عارف - ولا اي يوم في حياتك ، هو اليوم ده الوحيد اللي بيبقى عندك استعداد تقعد تستناه 13 شهر وكل يوم يعدي يقربك منه بتبقى مبسوط أكتر .

أيام عدت متبقاش منها إلا الذكريات ، كانت ذكريات وحشة بس بعد ما خلصت اكتشفت لأول مرة إنه ممكن يبقى فيها ذكريات حلوة ، اتعلمت حاجات كتيرة رغم اني كنت متخيل إني مش هتعلم حاجة من الجيش ، الشيء الوحش إني حاسس إن ال 13 شهر دول غيروا فيا حاجات كتير ، يمكن متعبتش كتير لإني تقريباً بعد اول شهرين تلاتة بقيت عايش في جيش ملاهي زي ما بيقولوا ، بس نفسياً الفترة دي أثرت علينا كلنا جامد .

مش عارف انا حاسس بإيه ، صراحة مش فاهم نفسي ومش فرحان ولا أكيد زعلان ، بس حاسس بحالة ازبهلال شوية ، الحمد لله .

تقريباً من النهارده اقدر انسى شوية مصطلحات كنت بصبح وأنام وانا بسمعها ، حتى كنت بشوفها في الحلم ، ألوان معينة في اللبس مش هشوفها تاني ، مش هقول افندااااام لحد خالص علشان اتعقدت منها

دلوقتي باقي لحد يوم 1-12 الجاي علشان آخد الشهادة ، اللي هي أهم من الثانوية العامة ومن شهادة الكلية ومن اي شهادة تاني ، ورغم كل ده ، لو حد جه سألني لو الزمن رجع لورا وكان دخول الجيش باختيارك كنت هتختار ايه ؟ بصراحة حاسس ان ده فعلاً كان الخير ليا رغم انه اللي باين للناس كلها عكس كده ، الحمد لله .

في الآخر والله الجيش ده عرفني على ناس كتيرة أوي ، وقربني من ناس كنت بعيد عنها ، على راسهم بحسب ترتيب الأقدمية العسكرية جندي مجند سابق أحمد عماد ، رغم اني مكنتش محتاج اقرب منه أكتر من بعد معسكر المقطم الشهير ، بس كان من الناس اللي هونت على الواحد فترة البداية ومركز التدريب وأول يوم طلبة ميز محمد دسوقي واحد من عساكر قليلة ربنا كرمهم معايا وقضينا مركزين تدريب مش مركز واحد رغم ان كل الناس مش عارفة دسوقي دخل الجيش ازاي ، رامي محروس وقعدة آخر الليل لما كنا نبقى اتنين ولا تلاتة بس ونشتري كرتونة شيبسي 24 كيس واربع علب تونة وخمس علب جنبة مثلثات على اربع علب فيتا ، وكانت بتخلص والله بفضل ربنا وبمعونة الوحش التالت كريم ، كريم مكانش بس كان صديقنا الصدوق في الأكل إنما قويسنا كلها تعرف كريم ومش هينفع نقول ليه علشان احنا في بلوج هنا مش في وحدة جندي مجند تامر اللي اشتغل في تلات اسلحة وتاني أكتر بني آدم على مدار التاريخ يآكل تونة في مركز تدريبه خالد عيسوي ربنا يسامحه هو وأخوه مش كانوا خدوا أحمد وطلعوا خالد ، ولا هي مفرقتش ما أحمد دخل جيش في بس جيش ملكي ، وبقية الناس اللي قضت معايا جيش ، طبعاً ابن خالتي راجل عشرة على عشرة لإنه لما جه معايا في الجيش ابتديت اقدر ازوغ براحتي مش علشان أي حاجة تاني طبعاً

وأخيراً الحمد لله على كل شيء ، وأتمنى إن المرحلة دي تكون فادتني وفرقت معايا .

الحمد لله رب العالمين .

خطوة بخطوة مع .net 2008

2008-11-20T00:46:00.002+02:00

بسم الله الرحمن الرحيم .
بحمد الله تم الانتهاء من كتاب خطوة بخطوة مع عالم Visual Studio 2008 .

يقدم الكتاب للنسخة الجديدة من فيجوال ستوديو من خلال C# و Vb.net عبر 22 باباً تتحدث عن الفيجوال ستوديو ابتداء باصدارته وطرق تحميله ، مروراً بعرض مفاهيم بيئة .net الرئيسية ، أساسيات كتابة الكود ولغة البرمجة ، Classes And Interfaces ، الأخطاء Debuginig ، المجموعات COLLECTIONS ، وسائل الادخال والاخرج IO ، واجهات Windows Forms ، عالم GDI+ و WPF ، قواعد البيانات من خلال ADO.net ، ثم LINQ و WWF و WCF وبرمجة ال Pocket PC ثم الانتهاء بالاطلاع على برمجة المواقع من خلال ASP.net .

تحميل الكتاب من هنا

أجدد الشكر لكل من ساهم في اتمام هذا الكتاب واخراجه ، وأتمنى أن يكون في بعض محتوياته الفائدة والنفع .

والله الموفق ...
والسلام عليكم ورحمة الله وبركاته .

ملخصات وكتب سابقة تجدها على المدونة :
www.ahmedgamal-technical.blogspot.com

New Album @ Shutterfly

2008-11-17T14:54:00.003+02:00

Just a new album, it is wonderful album generator.

http://ahmedgamal.shutterfly.com/

باقي من الزمن

2008-11-09T22:00:00.002+02:00

بعد ما لاقيت نفسي قربت اخلص الجيش - إن شاء الله - وبعد ما شفت برنامج كان عامله أحمد عيسوي بيفكر الناس بمواعيد الصلاة عن طريق تغيير ال Personal Message أوقات الأذان ، جاتلي فكرة إني أعمل برنامج صغنون كده يحسب اللي باقي ليا في الجيش باليوم والساعة والدقيقة والثانية ويعرضه عندي في ال Personal Message ثانية بثانية .

تحميل نسخة exe + السورس

مقعد ؟؟؟ ممكن معقد بس أكيد مش لدرجة إني أعد بالثواني أكيد :) ، لكن قلت اهوه اعمل حاجة ليها علاقة بالجيش ، اصلي شفت برنامج حلو برضو اتعمل على شكل Gadgets طبعاً برنامج معقد أكتر ، دي صورة منه :

هو البرنامج التاني حجمه كبير شوية فمقدرتش ارفعه على النت ، بس لما اقدر ارفعه هبقى انزل اللينك بتاعه إن شاء الله ...

*** علشان البرنامج يشتغل لازم تغير خاصية في MSN Options اسمها Show song Information form Windows Media Player as a personal message إلى صح علشان الرسالة تتعرض .

** وطبعاً مننساش ان يكون في .net framwork على الجهاز علشان ال exe يشتغل .

برمجة :

الموضوع بسيط جداً ، في كلاس اسمه Microsoft.Win32 هنضيفه عندنا ، وبعدين نكتب الفنكشن دي :

private void SendMSNMessage(bool enable, string category, string message)
{
try
{

string buffer = "\\0" + category + "\\0" + (enable ? "1" : "0") + "\\0{0}\\0" + message + "\\0\\0\\0\\0\0";
int handle = 0;

        data.dwData = 0x0547;
        data.lpData = VarPtr(buffer);
        data.cbData = buffer.Length * 2;

        handle = FindWindowEx(0, handle, "MsnMsgrUIManager", null);
        if (handle > 0)
            SendMessage(handle, WM_COPYDATA, 0, VarPtr(data));
    }
    catch (Exception ex)
    {
        MessageBox.Show(ex.Message);
    }
}

وبس ، وبعد كده علشان نظهر اي رسالة هنكتب :

SendMSNMessage(true, "Office", myString);

وعلشان نلغيها نكتب :

SendMSNMessage(false, "Office", "");

بعد كده برنامج عادي طرحت الوقت الحالي من الوقت اللي اليوزر بيدخله في DateTimePicker ، وصلى الله وبارك ...

يا ريت تدعولنا الأيام اللي فاضلة لينا تعدي على خير إن شاء الله ...

2008-08-15T15:24:00.005+03:00

السلام عليكم ورحمة الله وبركاته

عملت بلوج جديد - عملتها قبل كده كتير :) - بس المرة دي تكنكال ، وهحاول إننا إن شاء الله يكون البلوج الأخير ويكون ليه لازمة إن شاء الله

علشان كده بتشرف بزيارتكم ، ويا رب تكون محتوياته فيها فايدة

لينك البلوج

http://ahmedgamal-technical.blogspot.com/

انا مش فاهم ... ممكن حد يفهمني ؟؟؟

2008-08-02T20:37:00.001+03:00

ليا كتير مش بكتب ، او بمعنى اصح مش الطبيعي اننا اكتب في البلوج ، لكن النهارده سمعت حاجة صدمتني في برنامج الحقيقة على المحور والعهدة على معد البرنامج .

البرنامج بيتكلم على حيثيات الحكم في قضية برائة مالك العبارة السلام 98 - ممدوح اسماعيل - .

- مش هتكلم على التناقضات اللي ذكروا انها موجودة في الحكم - ما انا مش بفهم في القانون .
- مش هتكلم على اقوال الشهود اللي استندوا عليها في الحكم رغم انها كانت بتقول العكس وبتقول عكس ما اتقال في حيثيات الحكم - علشان برضو يمكن مش بفهم كويس .

لكن في حاجة مينفعش متكلمش فيها - علشان انا مجرد بني آدم عادي - ، بيقولوا ان المحكمة استندت في حكمها بالبرائة على ان التقرير الطبي اثبت ان الوفيات لم تنتج عن الغرق ...

اومال ؟ هل فعلاً زي ما واحد بيتريق في البرامج وبيقول عدت عليهم عربية في المية خبطتهم وموتتهم ؟

لا بيقولك في الحكم اسوأ من كده ، بيقولك أن التقرير الطبي اثبت ان اغلب الوفيات نتجت عن اجهاد عام أو كدمات أو حروق !!!

مش قادر اعلق ، يعني ايه ؟
يعني ارميهم في المية ليوم او اقل او اكتر واقلهم ، لا متموتوش من الاجهاد ، واوعوا تموتوا من سمك القرش ، واياكم اي حاجة من السفينة تخبط فيكم ، ولو السفينة ولعت اوعوا تتحرقوا ، خلكوا بالكوا من نفسكوا علشان متطلعوش انتوا المذنبين في الآخر وانتوا الغلطانين .

اده هما مسمعوش اقوال الشهود اللي شافوا ناس بيآكلها سمك القرش ؟
آه فعلاً ، سمك القرش مش الغرق انت مش واخد بالك ولا ايه ، هما الغلطانين ليه يخلوا سمك القرش يآكلهم .

يعني ايه ، ممكن حد يفهمني علشان انا مش فاهم !!!

بحبك يا جمال

2008-01-23T19:58:00.004+02:00

دي قصيدة أحمد عماد قالها فيا وباين انه بيعزني أوي علشان كده كتب فيا الشعر الحلو ده اللي كله من الأول للآخر تخبيط ، واللي ميفهمش حاجة يسأل أي حد من فيوتكس جروب

لو يسألوني عنك أقول أحمد جمال .

ساكن في قلبي حوا ولغيره ما قلبي مال .

بحبه زي ماهو لو كان في يوم أمير ..

أو حتى رجع لأصله ولقيته في يوم بقال

من يوم ما القلب شافك وعنيا بيك مغرمة ..

وإن يوم تغيب عن قلبي تبقى الحياة مؤلمة ..

وأخاف اسأل في يوم يا جمال بتحبني ..

تضحك بكل خبث وترد تقول : ربما

الحب أصله بينا مش كلمة والسلام

دي تاسك كبيرة جدا ومحتاجة التزام

وزي ما قلبي يحلم يعيش بحب قلبك

خلي عندك دم واتلقح في الغرام

ولا عايز عيوني تعاني من الأسية

وانتا منفضلي خالص ولا أنتا حاسس بيا

لو كنت سامع قلبي متغاظ قوي في بعادك

بيفكر فيك ويقول أما صحيح مرجعية

عاملي فيها ليدر وأنا من عمايا صدقتك

وعلشان بس بحبك سلمت وقتي لوقتك

لكن لما اتساوينا وبقيت ميمبر لميمبر

بقولك أهلا بيك ورينا بقى نباهتك

ومشكلتك حقيقي انك راجل بفر

ودي في عرف الرجال تهمة لا تغتفر

لو أسألك عن حاجة تقول سهلة وقوام

أول ما حسام يكح تقول محتاجة سفر

وما حد في يوم عارفلك انتا حزين ولا سعيد .

وتيجي تعمل ناصح تقلب منك عبيط ..

ويوم ما تحب تخبي حسام يضحك عليك

ولو عملت بتفهم ييزق عليك سعيد

ويوماتي أكلم فيك وتقولي خلاص كفاية...

من بكره هبقى وحش وهمتك معايا ...

وتاني يوم أشوفك في دنيا تانية خالص ..

ربنا يهديك يا جمال قولوا آمين ويايا ...

وتقولي اكتبلي قصيدة وامدح فيا كتير ..

وكل ما اكتب سطر تقول بحبح يا كبير ..

مع إن كل سطر بيهزق فيك وشكلك ..

خدت على التهزيق و ربك كريم ستير

ومهما هحكي عنك في قلبي لسه شايل ..

ماهو واجب استر عليك واهو كله عليك جمايل ..

ولو ناسي الي كان اقرا كلام الماسنجر ..

أيام ما كنت خاطبة وعامل فيا عمايل

وبرغم إن أنت ندل ومعاهم أو عليهم

لكن طيب وحنين وعنيك شموع لياليهم

من كل قلبي بقولك يا حبيبي مش هنساك

من كل قلبي بقولك يا جمال أنت الي فيهم

شكراً طبعاً لأحمد عماد على القصيدة المدمرة ومستنيين القصائد بتاعت باقي الجروب ...

sended at : 14/5/2007

Tagged

2008-01-23T19:40:00.000+02:00

Ramy Mahrous (يا ويله يا سواد ليله) have been tagged me to answer this group of questions.

Section 1 - Last 1s?

1. last beverage?Apple juice.
2. last phone call? Mohammed Nabil.
3. last instant message? one of students union members. (bs nfdtlo )
4. last cd played? My Wire-less headphones breakdown .
5. last time you cried? not so far .
6. last text message? my mother.

Section 2 - Have You Evers:

1. dated someone twice? No.
2. been cheated on? No.
3. kissed someone & regretted it? ammmmmmm, No.
4. lost someone special? No - el7md lelah.
5. been depressed? for short time, maybe .
6. been drunk and threw up? No.

Section 3 - List 3 Favorite Colors1.

Light Blue.2. not dark Red.3. Mauve.

Section 4 - This month have you.

1. Made a new friend? Yes.
2. Fallen out of love? No.
3. Laughed until you cried? not until cried, but i Laughed so much.
4. Met someone who changed your life? No.
5. Found out who your true friends were? No.
6. Is there something you want to tell someone? maybe .
7. Would you kiss anyone on your top friends? meeeen dah !!
8. How many people on your top friends do you know in real life? I think that I know one of them
9. How many kids do you want to have? 2 or 4 or 8 or 16 or 32 or 64 or 128 ... (must be binary )
10. Do you have any pets? yes, fish, birds, snake and mouse .
11. Do you wanna change your name? No.
12. What did you do for your last birthday? I was sleeping .
13. What time did you wake up today? about 5 pm .
14. What were you doing at midnight last night? I've editing my web site.
15. Name something you CANNOT wait for? ammmmm, i dont know.
16. Last time you saw your father? about one month ago, my parents live in saudi arabia.
17. What is one thing you wish you could change about your life? ask my friends, they have a list anyway .
18. What are you listening to right now? Nothing
19. Have you ever talked to Tom? meeen Tom dah.
20. Have you ever talked about someone behind their back? Yes, we yaret ysam7ony.
21. What’s the last piece of clothing you borrowed from anyone? I don't remember.
22. Who’s getting on your nerves right now? now there is not, but usualy there is alot
23. Most visited webpage? Yahoo.
24. Coke or Pepsi? mesh pshrb haga 3'azia
25. Have you kissed or been kissed by anyone in the past week? friends !
26. Mac or PC? PC.

sended at: 30/3/2007

في بيتنا حنش !!!

2008-01-23T19:24:00.001+02:00